Football for Friendship ta un Children’s Social Program organisa pa Gazprom bou auspicio di FIFA y UEFA. Pa prome biaha 4 representante di Aruba lo participa na e evento anual di Football for Friendship. Nos a haya invitacion pa por manda 2 Young Ambassadors di 12 aña y dos Young Leaders pa guia nan. Nos delegacion ta consisti di Young Football Player cu ta Jahmani Eisden, Young Journalist cu ta Sheqayli Ascencion, Coach cu ta Edgar Erasmus, y Head of Delegation cu ta Monique Ras.
E programa aki no ta solamente pa e muchanan desaroya nan mes den futbol, pero tambe pa promove pa biba mas saludabel y pa e muchanan di diferente paisnan por ta mas mente habri pa entre otro transmiti, pasa e mensage di Amistad, Igualdad, un mihor bida saludabel, y un miho medio ambiente. Un total di 211 pais ta participa e aña aki na Football for Friendship y ta bai tin diferente actividad durante 8 dia, entre otro e Football for Friendship World Championship unda Jahmani Eisden nos Young Football Player lo representa nos y tur esaki ta wordo reporta pa nos Young Journalist Sheqayli Ascension.
Den cuadro di participacion na e programa mester organisa diferente evento y duna exposure con Aruba ta promove e programa, y e prome evento “Penalty Shoot-Out” pa teamnan U13 miembro di AVB, un evento cu ta den cuadro di e celebracion “International Day of Football and Friendship, unda lo tin intercambio di armband hasi pa e hungadornan, e armband ta simbolo di Amistad di e programa Football for Friendship. Tur esaki ta tuma lugar diaranson awor dia 25 di April 2018 na Compleho Deportivo Franklyn Bareño di 5or di atardi pa 7or di anochi.
Slogan: Earth is a ball, football drives the planet.