ORANJESTAD, Aruba: Awe diabierna, Chill lo tin su ultimo locura riba ticketnan general pa Flip Flop Festival, cual lo ta pa dialuna dia 30 di April. E prome Happy Hour lo cuminsa pa 5’or di atardi na Hamaka Sidewalk Cafe cu musica di DJ Kash. Ambiente ta cuminsa pa 5’or di atardi na unda cu tur ticket general ta bay na balor di 60 florin.
Tambe tin e oferta cu si bo cumpra 2 bucket di Chill, bo ta gana dos ticket gratis, instantaneo. Lo tin bon ambiente, bon musica y naturalmente e special riba prijs di ticket. Mas despues, na Heart Music Bar lo tuma luga un tremendo evento cu musica en bibo di Mystical Connection y e banda Honey Pot. Ta tratamento di e album nobo di Mystical Connection. Durante e anochi aki, cual por cierto e entrada ta completamente gratis na Heart Music Bar, tambe lo tin un special riba ticket general di Flip Flop. Esaki lo ta entre 9’or y 11’or di anochi. E cantidad ta limita.
Esaki ta e ultimo oportunidad pa probecha di e special na 60 florin, debi cu normal e prijs ta 75 florin. Apesar di e special riba prijs di ticket general, tin e weekend pass, cu ta obtenibel na Citgo Palm Beach, Citgo Boulevard, Citgo Santa Cruz y Citgo Essoville, na balor di 125 florin. Esaki ta dunabo acceso na tur tres anochi di Flip Flop Festival. Diasabra E-motions cu e opening party, diadomingo Poolparty na Renaissance y dialuna na e concierto di Flip Flop unda cu bo ta ubica den e standing VIP dilanti di stage