Home » Parlamentario Mervin Wyatt Ras Mester tin mas claridad riba maneho social cu gobierno kier hiba

Parlamentario Mervin Wyatt Ras Mester tin mas claridad riba maneho social cu gobierno kier hiba

by Admin
0 comment 66 views

Parlamento a cuminsa cu tratamento di presupuesto 2018 caminda miembro di fraccion di AVP drs Mervin Wyatt Ras ta mustra cu ta di lamenta cu e tempo sumamente limita cu parlamento a haya di menos di dos siman pa studia y analisa esaki.
Un presupuesto cu a yega parlamento 9 luna atrasa y a haya asina poco tempo pa studia esaki y riba dje a reclama cu fraccion di AVP a haci demasiado pregunta, cu ta mas cu 900 formula, caminda sra Wyatt Ras ta mustra cu e cantidad di preguntanan haci, ta pa e hecho cu no tin mucho claridad riba e maneho di Gobierno.
Esaki ta un observacion cu Raad van Advies tambe a haci riba presupuesto 2018 ya cu nan tambe a nota cu den e presupuesto presenta, no tin mucho claridad riba kico gobierno ta bay haci.
“Mi a dirigi varios pregunta riba maneho di gobierno di salubridad, asuntonan social y husticia caminda pa loke a trata salubridad mi a menciona diferente proyecto cu ta andando caba.
Leynan cu nos a pasa den parlamento cu ta procedente di fraccion y gobierno di AVP manera e ley di BIG, e ley di calidad di cuido, e ley di ‘ouderenzorg,’ INSAM cu ta un proyecto cu lo wordo amplia, cu ta un proyecto cu gobierno di AVP a cuminsa cu’ne.
E proyecto di hospital, cataterisatie cu ta algo cu a cuminsa tambe cu gobierno anterior y tur esakinan ta cosnan cu mester continua y nos a haci pregunta relaciona cu esakinan y tambe riba aspectonan di hubentud, caminda nos tin cu keda promove un estilo di bida saludabel cu movecion pa asina nos por preveni malesanan cronico cu na e momentonan aki ta n problema hopi grandi y cu nos tin duna cabes na esakinan.
Pa loke ta asuntonan social mi a manda varios pregunta riba e ‘sociaalplan’ cu a wordo presenta caminda minister no a splica e plan aki y caminda nos mes a reuni cu directora di departamento di asuntonan social y a haya algun informacion pero pa loke ta e sumanan cu ta papia di dje cu lo wordo inverti, locual esaki ta encera, lo mester relata na e sumanan aki.
Esey tambe ta sumamente importante y mi a puntra minister pa duna parlamento un splicacion riba esaki.
Pero bo no por papia zomaar di un crisis y si ta papia di esaki mi no ta mira cu algo lo wordo haci den e presupuesto manera por ehempel e suma cu tin pa autonan pa trahadonan yega na e clientenan, no a subi cu por mira con ta bay soluciona esaki y eynan por bisa cu mester ta consecuente den e maneho presenta.
Tambe proyectonan cu gobierno anterior a entama manera esun di nos hobennan fu ta bay subi mercado labora, e porcentahe cu nos hobennan cu tabata sin trabou, a baha di 23% pa 19% y mi a kere cu esaki ta un indicacion cu wordo traha na e aspecto aki.
Tambe e ‘socialevormingproject’ cu no ta aparece den presupuesto mi a puntra kico ta bay haci cu e proyecto aki cu a yuda cantidad di hoben di bay den e caminda manera mester ta.
Pa loke a trata husticia mi a haci pregunta mas encuanto e ‘veiligheidshuis’ cu ta wordo menciona kico esaki lo bay ta y tambe pa loke ta e ‘orthopedisch instituut’ con lo bay fortifica esaki mas ainda.
Un pregunta cu mi a haci minister di salubridad ta esun riba cannabis kico e ta pensa di cannabis medicinal, produccion y cultivacion di cannabis despues cu Minister Presidente a bisa cu lo considera esaki como un pilar economico pa Aruba.
Ta di lamenta cu na momento cu nos haci pregunta, publico ta grita y stroba e proceso aki y ta algo cu nan mes condena pero awor ta permiti esaki tuma luga,” Parlamentario Mervin Wyatt Ras a mustra.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio