Home » Rudy Richardson di MEP: San Nicolas y Dakota nan dignidad a ser kita pa Mike Eman y AVP

Rudy Richardson di MEP: San Nicolas y Dakota nan dignidad a ser kita pa Mike Eman y AVP

by Admin
0 comment 111 views

Despues di 8 aña cu partido Arubaanse Volks Partij (AVP) a goberna Aruba lidera pa sr. Mike Eman tur e puyitonan ta saliendo poco poco di e macuto berde. Cu gran asombro nos pueblo por wak un bes mas e abusonan magistral di partido AVP, en especial e parti di San Nicolas. Semper mi ponencianan politico tawata al caso defendiendo San Nicolas cueste loke cueste. Mi a vocifera publicamente cu e servicionan di Gobierno na San Nicolas tawata pesimo y cu esaki mester atencion. Awo a sali na cla cu Mike Eman a hiba campaña feroz den cierto districto atraves di su Proyecto “Bo Bario” y a laga construi Multi Functional Accomodations (MFA) den Noord, Paradera, Santa Cruz y Savaneta. Lagando net e partinan di Aruba cu mester mas atencion y desaroyo afo cu ta Dakota y San Nicolas.

San Nicolas laga pa ultimo
Mi a bisa esaki desde inicio di e construccion di MFA’s cu Mike Eman a laga San Nicolas pa ULTIMO. Nos ex-Prome Minister a campaña den tur districto cu proyectonan PPP sin splica pueblo con ta bay paga pa esakinan. Awo Gabinete Evelyn Wever Croes ta trahando duro pa rescata e pais aki di mas desaster. Presupuestonan di AVP tawata tin prioridadnan robes cu a conduci cu awe tin Crisisheffing y mester bin mas pronto posibel cu reforma fiscal. Bida na Aruba ta impagabel. Nos pueblo no por sigui den e direccion aki. Gobierno actual ta butando e ser humano central atrobe. Un Arubus Mall na San Nicolas cu a keda neglisha pa tanto aña pa no menciona e estado deplorabel di e area comercial di San Nicolas. Gabinete Mike Eman no a paga huur di oficina di DPL San Nicolas anto asina ki Mike Eman ta trata nos hendenan. A usa tur oficina pa meta politico manera e famoso Citgo Desk pero no a trece e prosperidad pa nos digno pueblo. Tanto di nos hendenan sin trabao, un tasa di desempleo espantoso. A traha un parke sin nomber y a laga e hulpbestuurskantoor na werki sin servicio adecua, ni un bandera nacional dilanti, A hiba campaña cu Reapertura di Citgo cu te awe ta cera. Ki tristesa.

Fairshare pa San Nicolas
Solidarismo ta keda ausente den e fiestamento cu fondonan publico di Gobierno di AVP. Cuanto mucha den dificultad pasobra mayornan ta cay den pobresa y Gobierno tabata yuda na un manera hopi marginal. Tanto aventura politico di sr. Eman cu no a beneficia nos pueblo. Mi compromiso ta pa San Nicolas haya su fairshare. Lo inverti a corto plaso den Hulpbestuurskantoor San Nicolas y trece servicionan cu ta halsa e calidad di bida di nos hendenan. Promenade San Nicolas ta haya atencion atrobe y ta bezig ta cabando cu e proyectonan cu Gabinete Mike Eman a para manera e Cultural Heritage City y nos Bibliotheek ta kedando cla tambe. Nos ta trahando riba e aspecto turistico tambe pa nos haya mas turista den e area. Ta trahando riba diferente aspecto di e masterplan pa San Nicolas y vecindario cu stakeholders manera San Nicolas Business Association. Kamer van Koophandel tambe a mustra interes di yuda trece mas actividad economico. Proyecto di fast ferry pa San Nicolas tambe ta sondeando e plan te hasta pa trece e barconan crucero pariba. Proyecto cu tin di haber cu un waf pa e mega yate pa trece nan na San Nicolas y bin cu e proceso di registra yatenan na nos isla. Mi ta consciente cu tin un grupito ta “stroba” e proceso pero na final di dia ta nos digno pueblo tin cu bay dilanti. Nos lo traha riba e decadencia formal cu ta existi pa crea un area di Aruba prospero y sostenibel pa e siguiente generacionnan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio