Home » Minister Glenbert Croes: Mi ta cla pa awe den Parlamento debati y defende presupuesto 2018 cu lo brinda nos yiunan un futuro nobo.

Minister Glenbert Croes: Mi ta cla pa awe den Parlamento debati y defende presupuesto 2018 cu lo brinda nos yiunan un futuro nobo.

by Admin
0 comment 73 views

Tratamento di Presupuesto ta cuminsa awe y como e Minister encarga cu e cartera di Asunto Social y Labor mi ta cla pa debati y defende e presupuesto cu lo brinda nos yiunan un futuro nobo.

“Durante e temporada di eleccion mi tabatin e honor di bishita personalmente mas di 12 mil hogar aki na Aruba. Mi wowonan a mira situacionnan cu den e epoca aki mi no a pensa ainda ta posibel”, Minister Glenbert Croes a declara. “P’esey tempo cu Partido MEP a sinti cu mi persona ta esun yama pa maneha e Ministerio di Asunto Social y Labor, mi a acepta e reto mesora pasobra ami a cana, ami a mira, ami a biba e dolornan y necesidadnan di nos pueblo”, e mandatario a expresa.

Awe den Parlamento tratamento di Presupuesto ta cuminsa y Minister Glenbert Croes lo ta den cas di Pueblo pa sali na defensa di nos yiunan cu merece e oportunidad di un futuro nobo. “Nos mester bolter e curso cu AVP a hinca nos Pais aden y e prome paso nos ta tuma awe den Parlamento di Aruba pasobra pa prome biaha den historia di nos Pais cu un Gobierno ta duna atencion y e importancia debido na nos problemanan social cu aprobacion di e Crisis Plan. E existencia di bo pueblo ta refleho directo di bo Pais. Un pueblo den crisis ta un Pais den crisis. Y esaki nos ta cambia awe!”, Glenbert Croes a termina bisando.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio