61
Sero Patrishi – Diamars merdia algo pasa di 2’or, varios patruya a wordo manda cu urgencia altura di Flores Supermarket pa 2 grupo cu kier agredi otro.
Prome informe a papia cu tin bate di beisbol, machete, piedra y mas cos.
Na yegada di masha hopi polis, nan no a bin topa cu e grupo.
Pero a bay na un adres patras di Flores, caminda e mucha homber di 16 aña cu lo a wordo menasa ta biba.
A bin resulta cu ta un problema di algun dia caba, entre dos bisiña.
Un di e partidonan, esta esun banda di pabou no kier a tende nada di polis.
E cas caminda e mucha homber di 16 aña ta biba nan si kier entrega keho.
Mama y yiu lo a keda di bay warda di polis, pa asina haci denuncia.
Pa e rato ey, cos a keda trankil.