San Nicolas: Diasabra algo pasa di 3’or di marduga, un patruya di polis ta wordo dirigi na altura di Pueblito Paisa pa un caso di ladronicia.
Na yegada nan ta topa cu un homber kende ta declara cu e tabata para na altura di Buchi Banana y na momento cu ela caba message su yiu pa bin buske y e tawata wardando riba su yiu, un homber desconoci pa su persona a bin riba un bais y a ranca su cellular for di su man. E homber a trata na core su tras pero desafortunadamente ela cay y e homber riba e bais a bay cu su cellular.
E agentenan a nota cu e homber aki ta basta bou influencia y nan a bise cu e tin cu bay Warda di Polis pa entrega un keho oficial. E homber den e situacion cu e tabata no tabata desea di entrega keho. E agentenan a dicidi pa su seguridad dune un lift pa su cas.
Pa mas o menos 4’or y mey di marduga durante patruya na altura di AMC Unicon San Nicolas, a bin topa cu un Cellular Samsung J5 di Digicel y den e cover di e cellular tabata tin un caarchi banco.
Muy probablemente por ta trata di e cellular cu un rato prome a wordo ranca for di man di e homber bou influencia.