Home » Parlamentario Endy Croes na Dowers “blijf bij de les”: Dowers a wordo contagia pa Mike Eman cu e virus di “MENTEUR PATHALOGIQUE”

Parlamentario Endy Croes na Dowers “blijf bij de les”: Dowers a wordo contagia pa Mike Eman cu e virus di “MENTEUR PATHALOGIQUE”

by Admin
0 comment 69 views

Parlamentario Endy Croes a baha pisa riba Arthur Dowers durante e conferencia di prensa semanal di Fraccion di MEP reaccionando riba un articulo cu Dowers a skirbi sin pia y sin cabes. Croes a splica cu ta duel e pa mira con den 2018 un ex mandatario cu mester por sa mucho mas miho ta hunga politica barata engañando pueblo. Dowers den conferencia di prensa di AVP a gaña dilanti camara relaciona cu un remarke di Raad van Advies pa cu presupuesto 2018.

Politica anticua di AVP
Raad van Advies riba pagina 8 enberdad a ilustra cu di acuerdo cu nan informacion e cantidad di empleadonan publico na februari 2018 den comparacion cu fin di 2017 ta ilustra un aumento di “ruim” 100 empleado. Dowers sinembargo na un manera “stinki” yena cu odio a gaña cu MEP a kita 300 hende for di trabao y a tuma 400. Esaki ta mustra atrobe e politica anticua di AVP den nan desesperacion y e mentalidad pober di un ex minister di Husticia. Croes ta catalogisa Dowers como un malandro cu ta sufri di e malesa na Frances conoci como “Menteur Pathalogique”, esta mentiroso patalogico. Di acuerdo cu expertonan Frances esaki ta personanan cu ta keda gaña sin preocupa nan mes cu daño cu nan por causa na otro hende of na nan Pais. Mike Eman, e mentor di Dowers, a contagia Dowers cu esaki. Parlamentario Endy Croes a sigui splica cu si Dowers y AVP a trata na lesa e begroting den su totalidad hamas nan por a papia un disparate asina. Den e mesun begroting tin un “Nadere Rapport”.

Aclaracion cantidad di personal
E rapport aki ta e reaccion y splicacion di gobierno riba e rapport y remarkenan di di Raad van Advies. Pues Dowers sa masha bon con esaki ta funciona pero ta prefera di trece e mita storia enbes di madura y splica pueblo completo kico a pasa. Pa duna aclaracion na esaki riba pagina 19 di e Nadere Rapport a splica ampliamente lo siguiente: A inicia cu dos grupo di 25 persona cada un pa cu les pa Polis (KPA) hustamente bou di mesun Dowers. Augustus 2017 e promer grupo a inicia y Juli proximo 2018 e di dos lo inicia. Ambos a wordo presupuesta pa cu begroting 2018. Tambe a amplia 2 school, esta Colegio Pariba y Bureau Multidisciplinaire Centrum (MDC) unda a aloca 65 empleado, “onderwijzend personeel”, cual Minister Lampe a encontra. Alaves e nadere rapport ta splica hopi cla cu un total di 47 empleado kendenan 1 aña y mey pasa a bay den Fundacion Servicio Laboratorio Medico Aruba (FSLMA) a regresa final di 2017 pa Land Aruba. Nan tabata tin e escogencia di por haci esaki y nan a scoge pa bin bek bou Land Aruba.

Bananenrepubliek di Dowers
Asina amplio esaki ta wordo splica riba pagina 19 di Nadere Rapport. Pero Dowers y demas candidatonan di AVP mester scoge e caminda pa haci politica barata. Dowers como ex mandatario a maneha ala estilo di un “BANANEN REPUBLIEK” y awo ta kere cu tur hende ta mescos cune. Endy Croes terminando a splica cu e stoel cu awe e mes ta ocupa ta un stoel di pueblo y ta pueblo ta dicidi con largo bo lo usa e stoel ey pero na mes momento ta suplica pueblo pa percura cu nunca pero nunca mas hendenan manera Dowers y AVP bin bek den gobierno mirando e Desaster Financiero cu nan a laga atras. Spera cu Dowers siña di e les aki y purba cambia su mes den un politico honesto.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio