Home » Haya ticket di Flip Flop Festival pa disfruta di artistanan local y internacional

Haya ticket di Flip Flop Festival pa disfruta di artistanan local y internacional

by Admin
0 comment 63 views

Cu compras di caha di boter di cerbes Chill

ORANJESTAD, Aruba: E aña aki ta di 8 aña cu cerbes Chill ta partner di Flip Flop y pa 3 dia tur hende lo por disfruta di e eventonan di Flip Flop. Cerbes Chill tin un campaña unda ta hiba algun persona na e evento di Flip Flop Festival di dia 30 di April.

Pa participa na e campaña aki ta uno facil, unda cu e prome stap ta pasa na cualkier supermercado of mini market y cumpra un caha di boter cerbes Chill. E di dos stap ta pa hiba e recibo cu tur informacion di e cumprado riba dje na Tropical Bottling Co. y asina aki ricibi 1 ticket di general gratis pa gosa di e festival di Flip Flop cu lo tuma luga na Bushiri Beach arena.

E campaña aki ta valido solamente pa caha di cerbes Chill y e ticket ta pa 1 persona. Representante di Chill, Mitch Bermudez, a indica cu aunke un persona cumpra mas caha di cerbes Chill e ta ricibi 1 ticket. Brouwerij Nacional Balashi lo keda cu e recibo cu tur informacion di e cumprado como prueba di e compra. E campanja aki ta conta solamente cu e compra na supermercadonan y/of mini market y no na Carry Out of Tropical Bottling Co., pasobra si cumpra e caha na Carry Out of Tropical Bottling Co. e persona no lo ricibi un ticket.

Tin limitacion di e ticketnan di Flip Flop Festival, pasobra “op is op”. Busca bo caha di cerbes Chill y hiba bo recibo na Tropical Bottling Co. di dialuna pa diabierna di 8:00am – 5:00pm. Busca bo ticket y bin disfruta di artistanan internacional y local manera, Fat Joe, Alborosie, Jeon, Tsunami y otro mas. Ta recorda tur hende cu e campaña aki ta di 18 aña pa ariba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio