86
E Instituto Nacional di Salud (INS) na Colombia a duna di conoce diadomingo ultimo, cu a keda confirma nuebe caso di Sarampi na seis departamento di Colombia, tambe cu e sarampi aki a wordo importa door di Venezolanonan cu ta crusando frontera y drenta Colombia.
E nuebe pashentnan aki ta confirma, cinco ta muher y nan tin e malesa contagioso aki pa mas di 10 siman caba. Sinembargo e instituto aki ta investigando un mucha homber di 17 aña procedente di Venezuela. E mucha homber aki ta bibando na Cartageno y e lo por bira e di 10 caso di sarampi na Colombia.
E departamento mas afecta ta Sucre y especialmente e municipio di San Onofre, caminda recientemente a bin topa cu tres caso, incluyendo un homber di 22 aña cu lo mester a wordo contagia.
Además di Sucre, e malesa aki procedente di e pais bisiña a sigui extende, na e departamento di Norte de Santader, tin dos caso mas confirma. Na Medellin, Santa Rosa de Cabal, Cartagena y Arjona na cada di un di e cuidadnan aki tin un caso confirma di sarampi.