Diasabra anochi den Marriott Ballroom a tuma lugar e magno evento di Premio Excelencia den Deporte. Un anochi di gala caminda diferente atletanan den presencia di Ministernan, parlamentarionan y nan famia a wordo premia pa nan logronan deportivo den aña 2017. Loke a hasi e evento special e anochi aki ta e hecho cu esaki ta e di 15 aña cu PED ta tumando lugar. Un evento cu su proposito ta pa elogia y motiva tur e atletanan di Aruba. E aña aki PED a conoce un cantidad di 14 federacion cu a manda un total di 84 atleta como nominado pa wordo premia pa nan logronan deportivo den aña 2017. Tambe a premia atletanan di Special Olympics, Paralympics y atletanan di scolnan basico y voortgezet onderwijs.
Ganadornan
Atleta Femenino te cu 13 aña: Amika Every. Atleta Masculino te cu 13 aña: Christiaan Jansen. Atleta Femenino 14 te cu 18 aña: Chiara Petrocchi. Atleta masculino 14 te cu 18 aña: Daniel Jacobs. Nobato deportivo femenino: MariaJosé Salazar. Nobato deportivo masculino: Edmund Lagmay. Atleta cu a destaca localmente: Linda Smith. Atleta di aña International: Thashaina Seraus.
Special Olympics y Paralympics
Ganadornan di Special Olympics a resulta di ta Mark Gonzales y Rashely Diaz Wester. Ganadora di Paralympics ta Shenely Tromp.
Skol Basico di aña: Prinses Amalia Basisschool
Deportista di aña basis onderwijs Femenino y Masculino: Zuleima Hermanus (Scol Basico Washington) y Yoswill Pillier (Scol Basico Washington)
Voortgezet Onderwijs scol di aña : Abraham de Veer School
Deportista di aña Femenino y Masculino: Gilia Croes (Colegio Oranjestad) y Ricardo Carillo (Colegio Oranjestad)
Durante e anochi aki tambe a duna honor na atletanan cu no a wordo nomina pero cu sigur ta destaca den e mundo deportivo manera Sophia Petrocchi y David Polanco. Tambe tabata tin Honor al Merito kende nan tabata:
Emeterio Bareño, Toko Tromp, Rufo Kelly, Gerardo Kock y Augustin Bernabela. Pabien na tur e atletanan y tambe na e comision di PED cu a hasi e anochi aki uno inolvidabel pa tur invitado.