Dies persona a keda herida despues cu e trein chikito cu ta transporta personanan pa Fiesta Rotaria a bolter

George Madurostraat, Oranjestad: Diadomingo pa mas o menos 1’or y mey di merdia, ta drenta un informacion cu e Bichi (e trein chikito) cu ta transporta personanan pa Fiesta Rotaria a bolter.

Mesora polis a bay na e sitio y na yegada nan a bin compronde cu ya a lanta e trein aki y a bay cune. Na e sitio polis ta topa cu voluntarionan di Rode Kruis atendiendo algun persona na e sitio y nan a wordo informa cu varios ambulance ta na caminda.

Na yegada di e ambulancenan, personal di ambulance a trata un total di 10 persona cu a keda herida. Despues cu personal di ambulance a caba di trata tur e personanan na e sitio, a transporta 3 herido pa hospital.