Home Police Candela den Dushi Bagel na Playa Linda Beach Resort

Candela den Dushi Bagel na Playa Linda Beach Resort

J.E.Irausquin Boulevard – Diadomingo marduga pa mas o menos 2:50 brandweer y polis a bay Playa Linda, na e tienda Dushi Bagels.

Security a bati alarma, ora ela haya holor di plastic kima, saliendo di e establecimento.
Na yegada di brandweer, tawata tin basta huma, y berdad e tawata hole na algo di plastic. Despues di algun rato brandweer a logra drenta e luga.
Di parti pafo no tawata visibel si tawata tin algo na candela.
Segun polis a wordo informa, algo
electronico a pega candela pero e momento ey nan no por a bisa kiko exactamente.
Brandweer a keda na e sitio y polis despues di a constata cu e luga ta intacto di pafo y no ta trata di kiebro nan a continua nan patruya.