Home » Bendedo di Lotto victima di atraco

Bendedo di Lotto victima di atraco

by Admin
0 comment 45 views

Driemasterstraat, Oranjestad: Diasabra anochi algo pasa di 8’or y mey, un dama, bendedo di Lotto ta bira victima di un atraco arma, esaki a sosode na Driemaster Lottery den Driemasterstraat.

Un persona bisti cu un petchi preto a drenta den e lugar di bende number cu un arma di candela color preto y a atraca e bendedora. Ora e atracadornan a caba nan a core bay pabou y a drenta den Jolastraat.

E atracadornan tabata papia spaño. Nan a logra bay cu e benta di dia, un tas blauw scur di e bendedora, den cual tabata tin tur su pertenencianan, tambe nan a bay cu un baki di plastic blauw cu placa aden y un cellular, cu cuanto placa exacto nan a bay cune no ta conoci.

Atraco Team y Departamento tecnico di polis a wordo pidi na e sitio. Y tambe presencia di ambulance a wordo pidi pa e bendedora cu probablemente lo a bira malo despues di a pasa den un susto asina grandi.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio