Diabierna atardi: Directiva di Parke Arikok, sr. Glen Thode como miembro di directiva a splica, cu nan a cuminsa cu un reunión cu e personal di Parke Nacional Arikok, pero e reunion tabata uno hopi cortico. E motibo pakiko a pidi un reunion ta pasobra ta reina un inqueitud bou di e trahador.
Segun Glen Thode nan a ripara esaki den media, y esaki a sorprende nan, paso e inquietud aki a wordo expresa den forma di un accion, nan no a wordo informa y no por a mira e accionnan ta bin. E sindicato Seppa a trece e inquietudnan di e personal na atencion di e directiva, Seppa a entrega un carta dia 10 di April , e ora e directiva a dicidi di yama un reunión general, cu tur e personal, paso parke ta un stichting y nan como e directiva ta e dunador di trabou, un parti tabata e precupacionnan rond di trabou y e otro parti tin di haber cu e cambio di statuut cu a sali algun biaha caba den media, tambe algun otro precupacionnan cu a bin dilanti.
Pa e motibo aki e bestuur a presenta pa contesta tur e preguntanan. E tabata un reunión hopi cortico, paso e bestuur a informa e trahadornnan cu nan lo bin cu un abogado, si acaso lo mester tin cualke pregunta huridico den e reunion. Hopi liher via Seppa e directiva a wordo informa cu e trahadornan no kier pa e abogado ta presente y e bestuur a cumpli cu esaki tambe.Despues un parti di e trahadornan no kier a atende e reunion paso nan no kier a sinta cu e personanan di managemente di Parke Nacional Arikok cual segun Glen Thode ta hopi lamentabel, paso e management tambe ta parti di e personal y un reunion General ta pa tur e personal. E bestuur a papia cu e management y a pidinan chens pa scucha e otro parti di e personal, despues di kier a scucha e parti di e trahadornan, un di e representantenan a lanta y a bisa cu nan no ta confía e directiva aki, cu no tin niun sentido pa sigui cu e reunion y nan a lanta y a cana bay, algun trahador si a keda sinta den e reunion.
Loke e trahadornan ta vociferando ta cu nan no tin confiansa mas den e bestuut y ta pidi pa cabes di e bestuur. Segun Mr. Glen Thode mester dialoga pa por haya sa pakiko no tin confianza mas den e bestuur actual. Sr Thode a sigui bisa cu ela bolbe haci un intento pa convence e trahadornan pa drenta bek paden. Ela acerca e trahadornan cu tabata sinta bou di palo, pero no por a convence nan pa drenta bek paden. E trahadornan a cuminsa lansa varios pregunta, na cuminsamento nan no tabata dune chens pa contesta e preguntananen, esey a pasa un par di biaha cu Sr. Thode kier a contesta, pero e trahadornan tabata keda papia, pero toch na final nan a dune espacio pa contesta un pregunta, e pregunta rond di e statuut.
Ban wak si e trahadornan cu e gerencia y directiva lo por yega awo si na otro of mira cua te desicion cu e Minister concerni lo tuma encuanto e situacion na Parke Nacional Arikok.
E Edificio di Parke Nacional Arikok mester di mantenimento, sigur e tin añas sin wordo manteni y ta bayendo hopi atras, riba e fotonan por mira esaki.