Home » Parlamentario Richard Arends CAFT su rol ta limita na supervision di normanan financiero

Parlamentario Richard Arends CAFT su rol ta limita na supervision di normanan financiero

by Admin
0 comment 47 views

For di aña 2010 Gabinete Mike Eman a inicia un plan di inversion amplio riba tereno di infrastructura, areanan publico cu meta pa eleva e calidad di bida riba nos isla y duna e empuhe necesario pa un desaroyo economico sostenible. E resultado di e cino arenan di inversionan publico y priva aki ta cinco area fisico di oportunidad economico rond di nos isla.
“E resultado ta tangible y nos tur por wak e cu nos wowonan,” Sr Arends, miembro di parlamento pa fraccion di AVP, como tambe ex-minister di Asuntonan Economico a declara durante un entrevista.

“E fundeshi a keda cla pa desaroya esaki a base di cuatro sector: industrianan creativo, logistica, tecnologianan limpi y exportacion di conocemento. E weso di lomba di diversificacion economico aki tabata empresanan chikito, inversionistanan local, como tambe empresarionan independiente.” Nos a ekipa nos e departamentonan di gobierno pa por duna e sosten necesario, como tambe crea oportunidad pa acceso na capital y expertisio pa por guia e empresario nobo.

Nos tuma nota cu e Presidente di CAFT hasi un declaracion caminda cu ta cuestiona e modelo economico cu a wordo ehecuta durante e ultimo añanan. “Si nos compara e desaroyo economico na nos hermana isla Curacao despues di e binida di CFT, incluyendo un inyeccion di 4 biyon di florin pa elimina tur debe, mi ta kere cu e colegio aki ta e ultimo organo pa papia of cuestiona cua modelo economico cada Pais ta scohe p’e,” Sr Arends a declara.

CAFT su tarea ta pa controla di Gobiernonan ta mantene su mes na e normanan stipula of no. “Den e cuadro aki ta importante pa cada organo mantene nan mes na nan tarea. Maneho economico no ta cay den e cuadro di supervision di CAFT. Te ainda esaki ta un competencia di sector priva y sector publico cu ta encarga di fiha e marco legal y regulatorio, como tambe sostene y duna facilidadnan y incentivonan,” Sr Arends a splika.

Tin mesun cantidad di academico y economista cu ta boga pa un modelo di austeridad financiero prome cu tur cos, mientras cu otro nan ta convenci den un modelo caminda Gobierno tin un rol mas activo den stimula inversion.
Un modelo economico perfecto no ta existi. “Cada pais y cada gobierno ta esun cu por sa cual ta e miho balansa entre finansa publico y desaroyo economico pa haña sa cua modelo economico ta traha y cua no,” Parlamentario Richard Arends a splica.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio