Shaba, Noord: Diamars durante dia, un detenido di Fam G. di 32 aña, kende ta sufri di problemanan serio mentalmente a cuminsa tira rond cu su sushi humano y tambe a smeer su cel cu esaki. E Chef van dienst cu na e momento ey tawata trahando a dicidi di yama un dokter kende a keda di pasa pa mira e situacion cu G tawata aden.
Durante e shift di anochi cos a keda mescos e detenido G a smeer tur su cel cu su sushi y tabata tire rond. Tambe henter dia e tawata keda grita y bati contra e porta di hero di su cel. Diaranson a habri y ela keda haci mescos, e chef van Dienst na warda a dicidi di yama un dokter atrobe. E dokter a regla pa e detenido G por a haya ayudo medico na Eerste Hulp.
E detenido a wordo transporta cu transportwagen di CEA, despues cu ela caba na Eerste hulp e detenido G. a wordo treci bek na warda di polis na Shaba. Segun e personal di CEA cu Dokter v. G. di PAAZ a bisanan cu G na e momentonan aki, e ta den su mihor momentonan psichico y cu e no ta haya ta necesario pa detenido G keda interna na PAAZ.
Detenido G. a wordo hiba bek warda di Shaba, pero manera cu ela wordo hinka bek den su cel, ela cuminsa grita y keda dal na e porta. E Chef Van Dienst a dicidi di tuma contacto cu e piket officier van Justitie, kende na su turno a bisa nan pa laga e detenido G. cu tin problemanan serio mentalmente den libertad.