Aumento di BBO y BAZV ta garantisa presupuesto, sinembargo e alivio cu pensionadonan mester a ricibi, cu ta un reduccion di prima di AZV cu 4% y tambe esunnan cu ta gana bou di 2500 florin, cu ta e aumento di ‘reparatietoeslag,’ nos no ta wak esaki refleha den e cuadro financiero cu gobierno a presenta na Parlamento siman pasa como parti di e presupuesto 2018.
”Na e momentonan aki, e presupuesto cu ta na Parlamento tin e aumento di BAZV stipula pa prome di juli di 2018, pero no tin e reduccion di AZV pa e pensionadonan ni tampoco e aumento di reparatietoeslag.
Esaki ta di lamenta ya cu Gobierno a informa cu pensionadonan lo goza di reduccion e prima di AZV cu e aumento di BBO/BAZV. E la wordo treci dilanti manera cu nan lo bay dilanti den poder di compra. Nos a trece dilanti cu e compensacion di 100 florin extra cu un pensionado cu ta gana 2500 florin ta wordo door di reduccion di e prima di AZV ta bira completamente nulo. E poder di compra di e mesun pensionado aki por bay atras te cu 192 florin, den caso su consumo ta basa riba producto cu ta den un cadena di tres schakel.
Sinembargo ni e reduccion di e prima di AZV no ta hinca den e presupuesto y nos no por bisa cuanto esaki ta bay costa y con gobierno ta bay financia esaki. E gasto adicional aki lo tin su efecto riba e deficit grandi cu e prome presupuesto di e gabinete actual a presenta.
E presupuesto a wordo acompaña dor di e documento miho warda aki na Aruba, cu ta e FEM, esta e Financieel Economisch Memorandum.
Esaki c’un analisis economico cu ta hopi cuestionabel, caminda bo ta saca un ‘trend’ uzando dato di dos aña so. Si tuma e ultimo ocho añanan solamente e inversion y inyeccion di capital cu a bin di gobierno como tambe di sector priva si mira e sector energetico pa loke ta trata e poder di compra di esunnan cu ta gana menos di 2500 florin, esaki a bay dilanti cu 11%.
E presupuesto hunto cu e ‘Financieel Economisch Memorandum’ ta confirma e falta di maneho riba termino largo. Gastonan ta sigui aumenta y e beneficio di e inversionnan no Richard Arends miembro di fraccion di AVP den Parlamento a mustra.