Macuarima – Diadomingo atardi algo prome cu 4:30 un accidente cu basta daño material a sosode poco panort di 88 Foodstore.
Mirando cu tawata trata di un accidente serio, a manda mas unidad pa e sitio.
Na yegada di e patruyanan, nan ta constata cu chaos.
Por a nota cu palo di luz a wordo ranca completamente.
Ariba caminda para nan ta haya un Hyundai color cora cara pazuid.
Banda di cura di un cas pabou di caminda un Mini Cooper kibra, para cara pazuid.
Segun esnan den Hyundai, nan tawata bayendo zuid y e Mini Cooper cu dos homber den dje, tawata bayendo nort cu velocidad hopi halto.
Posiblemente e mes un velocidad halto a causa cu nan a perde control, bay na man robes rancando borchinan di trafico y tambe e palo di luz.
Na final e ta dal un parti dilanti di Hyundai, pa despues bira para cara pazuid.
Momento cu e Mini Cooper a stop, un homber a baha core bay y segun testigonan elo tawata tin un laptop cune.
Polisnan a busca rond, esta e area caminda ela core cu ta panort pero no ta logra haye.
Dos ambulance a presenta na e sitio, pa controla algun mucha cu tawata den Hyundai.
Polisnan a haya un tip cu e homber cu a baha core bay ta altura di un Supermarket pabou di e oficina di Notaris Tromp.
Mes ora e patruya a sali direccion unda e homber a wordo señala, cu ta basta leu di unda e accidente a sosode.
Bayendo pa Hooiberg polis ta haya e homber full soda y ta detene.
Ocupante cu a baha core bay
Pakiko ela cora bay na warda nan lo haya sa.
