Pascalstraat, Companashi: Diasabra den oranan trempan di mainta presencia di polis ta wordo pidi den Pascalstraat pa un caso caminda un of mas persona intencionalmente a trata na kima un auto usando un molotov Cocktail.
Na yegada e polisnan ta papia cu e doño di e auto, kende ta splicanan cu un rato prome ela yega cas y na momento cu ela bay den cushina pa bebe awa, ela scucha un explosion duro y ora ela sali pafor di cas, ela mira un auto conoci pa su persona core bay y su auto cu tabata staciona dilanti su cas tabata na candela, mesora ela pidi pa yama polis.
Bisiñanan cu tambe a tende e zonido fuerte aki, a sali pafo pa mira kiko tabata pasando, mesora nan a pasa man pa un slang di awa y a logra paga e candela.
E doño a declara na polis cu e sa ken e sospechoso den e Daewoo bieu, Blauw cu berde ta y polis na su turno a bise cu e mester bay recherche pa entrega un keho oficial.