Pa conscientisa pueblo pa aumenta comprension y aceptacion
Mundo henter a duna honor na e siman di Conscientisacion di Autismo pa reconoce e condicion aki y tur esnan cu tin’e. Gobierno di Aruba hunto cu Fundacion Autismo Aruba, pa aumenta comprension y aceptacion pa esnan cu autismo, a uni pa “Light It Up Blue Campaign” na unda a cende lusnan blauw na edificio di Bestuurskantoor, dialuna dia 2 di april.
Gobierno ta encurasha nos pueblo pa sigui yuda Fundacion Autismo Aruba pa asina nan por sigui trece conscientisacion riba e condicion aki pa asina Aruba por yega na un comprension y aceptacion completo pa cu e condicion aki. Fundacion Autismo Aruba ta haciendo un gran trabou pa conscientisa nos pueblo y nan tin mester di sosten di nos tur pa sigui haci nan campaña di conscientisacion.
Ministernan di Gabinete Wever-Croes y Parlamentarionan a reuni dilanti Bestuurskantoor pa ricibi e Fundacion, mayornan y famia di nos ciudadanonan cu autismo na unda a presencia e momento cu a cende e lusnan blauw pa duna conscientisacion na e dia importante aki.