L.G.Smith Boulevard – Diadomingo marduga den careda di 2:30 polis, ambulnce y tambe unidad di rescate di brandweer a sali.
Poco mas pariba di e Cas di Gobernador, altura di Linear Park un pick up maneha pa un dama a accidenta.
Den cura di un oficina panort di caminda, nan ta haya un pick up cu a perde control y bay caba eyden.
Manera nos a bisa caba, na stuur un dama.
Materiaal wagen di brandweer na nan yegada mester a corta porta di e auto, pa asina libera e dama cu tawata seriamente herida. Segun nos a compronde e dama lo a pega soño y muy probablemente tawata intoxica.
Polis a cera e caminda altura di cas di Cas di Gobernador y tambe na altura di Coral Pyramid.
Despues cu a logra saca e dama, personal di ambulance a hibe cu urgencia direccion di hospitaal. Su situacion ta stabiel.
Specialista di trafico y tambe Bfto a ser pidi na e sitio di accidente.