Diamars awo por entrega e declaracion di inkomstenbelasting na un oficina den districto tambe Por acudi na un MFA of Oficina di gobierno

ORANJESTAD – Departamento di Impuesto ta participa cu diamars awo, dia 3 di april, ta ultimo dia pa entrega e declaracion di inkomstenbelasting 2016. Pa por yuda mas tanto cliente posibel, e clientenan por acudi tambe na MFA Noord, MFA Paradera, MFA Savaneta, Oficina di gobierno na Santa Cruz y San Nicolas. Departamento di Impuesto lo ta habri na e oficinanan aki solamente pa acepta e declaracionnan di inkomstenbelasting. No lo tin servicio di caha na e localidadnan aki.
Alabes ta posibel pa entrega e declaracion na e oficina principal na Camacuri. Departamento di Impuesto ta recomenda e conseheronan fiscal pa acudi na Camacuri pa entrega e declaracionnan di nan clientenan.