Diaranson a tuma luga e reunion publico cu e tema “instelling ministeries”. Parlamentario Rocco Tjon a duna di conoce cu ex-mandatarionan di AVP ta sigui cu nan politica anticua pa manipula pueblo pa nan propio interes. E Parlamentario ta bisa lo siguiente:
“Awe un bes mas por a ripara con ex-mandatarionan ta trata na manipula pueblo di Aruba y muy en particular pueblo di San Nicolas.
Sr. Mike de Meza ya caba riba su facebook ta trata na manipula pueblo di San Nicolas door di post e mocion cu partido AVP a entrega. E mocion aki ta urgi Gobierno di Aruba pa haci tur cos posibel pa habri e refineria.
Partidonan den coalicion a vota contra e mocion ak pa e motibo cu durante un bijeenkomst, riba 8 di maart 2018, Minister President sra. mr. Evelyn Wever-Croes a notifica Parlamento, cu Gobierno ta haci tur esfuerso pa e refineria conoce un apertura.
E falta di seriedad y respet pa pueblo di San Nicolas ta loke e actitud di Mike de Meza ta refleha. Mas aun ainda awo cu a bira conoci cu e motibo dicon a entrega un mocion ta paso e compania PMEC, cu ta di sr. Mike de Meza su intimo amigo, ta den problema financiero. sr. De Meza su interesnan den Citgo ta personal y no pa bienestar di San Nicolas.
E falta di respet pa e pueblo di San Nicolas ta locual ta resalta for di e reunion publico di awe. Mas aun ainda ora a traves di documento a wordo prueba cu sr. De Meza na april 2015 a declara di lo desmantela e refineria y tawata tin plannan caba riba mesa pa un otro uzo”, Lider di Fraccion di MEP ta bisa.