Home » Diferente unidadnan lo haci control diario Riba lama y tera Cuerpo Policial Aruba ta cla pa e weekend di semana santa

Diferente unidadnan lo haci control diario Riba lama y tera Cuerpo Policial Aruba ta cla pa e weekend di semana santa

by Admin
0 comment 106 views

Manera ta conoci caba Cuerpo Policial di Aruba tin su personalnan atento pa cu e weekend druk di semana santa. Campamento a cuminsa dia 25 di maart 2018 desde 12’or di merdia. Desde e dia ey tur personanan cu tin permiso por a cuminsa arma nan tent of pone trailernan pa campa. Sea conciente y percura pa bo mantene bo mes nan e reglanan stipula pa campamento. Polis lo sigui haci control diariamente pa mantene e orden publico y tambe pa percura cu tur persona ta cumpli cu nan permiso.

Tanto riba lama y tera polis lo tin controlnan diaramente. Riba lama nos tin unidad maritimo cu lo percura pa e seguridad y controlnan necesario riba botonan y den caso di emergencia riba awa nos unidadnan lo ta atento pa yega mesora na e sitio pa brinda e prome ayudo. Tanto riba seadoo y tambe boto lo tin controlnan den nos awanan.

Compara cu aña 2017 tabata tin 218 y e aña aki tin 224 permiso.

Riba tera lo tin motor unit, bike team, ATV y patrouille cu lo haci controlnan. Agente policialnan lo haci control riba orden publico y permiso cu cada persona tin pa campa.

Sea conciente cu biento duro e weekend aki banda di lama tanto na Baby Beach, Rodgers Beach, Eagle Beach y Malmok. Tira bista riba muchanan chikito band’i lama percura pa nan bebe hopi awa y tambe cuidanan di solo y percura pa tin supervision di mayor. Percura pa bo tin first aid kit cu bo pa cualkier emergencia. Tene na cuenta cu nos reglanan di trafico y mantene bo mes na dje. Celebra semana santa den famia y sernan keri responsabel y conciente.

Nos lo sigui percura pa seguridad di nos comunidad durante e weekend druk aki di semana santa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio