124
Avenida Milo Croes, Dakota: Dialuna anochi pa mas o menos 10’or y 50, ambulance y polis ta wordo manda cu urgencia na e crusada di Ex Kooyman, Avenida Milo Croes cu Awacatistraat pa un accidente.
Na yegada polis ta topa dos auto cu hopi daño material y ta bin compronde cu e Mazda Blanco biniendo di pazuid no a duna preferencia na e Toyota Blanco cu tabata riba caminda di preferencia ( Avenida Milo Croes) y a sali su dilanti. E impacto tabata fuerte cu dos persona a resulta herida.
Segun chauffeur di e Toyota, un hende homber tabata na stuur di e Mazda y despues di e impacto ela baha y cana bay direccion Rondweg of Olijfistraat.
Dos ambulance a presenta na e sitio y despues di a trata e heridonan na e sitio a transportanan pa hospital. Tambe takelwagen a wordo pidi pa transporta e dos autonan for di e sitio.