Spuiters Quallity Chiropractic ta gana nan di 2 wega sigui derotando Ecotech Leftovers, 10-2
Diasabra 24 maart 2018 a continua e campeonato Baseball Clasico 40+ . Den promer wega Brazil Lucor despues cu tur hende a kere cu nan lo a bai cas cu un derota ta rally pa 12 careda pa gana di Salo Park Destroyers 16-6.
Mihor bateadornan di Brazil Lucor tabata Ramfis Gomes di 3-3, Gregory Alias y Patrick ‘Tula” van Heiningen di 2-2. Y Rolando Vries di 1-1.
Pa Salo Park Destroyers: Sidney Boekhoudt y Raynold Hughes di 2-2 cada uno. Y Lloyd Wever di 3-2.
Pitcher ganador tabata Vincent Willems y Roque Wester a perde.
Box score: R H E
Salo Park Destroyers 6 9 0
Brazil Lucor/Dental Care 16 12 2
Otro resultado nan di diasabra 24 Maart:
Marlboro Burger King tambe ta gana nan di 2 wega di campeonato for di Blue Lotus Indians cu score di 13-3. E picheo di Blue Lotus no a funciona otorgando 9 base por bola cual tabata un causa tambe pa e derota.
Mihor bateadornan pa Marlboro BurgerKing tabata: Louis Boekhoudt , Abelardo Harms y Richard Mackay di 1-1 cada uno y Roderick Simon di 3-2 di cual uno tabata e promer Homerun di campeonato.
Mihor bateadornan pa The Blue Lotus Indians tabata: Edwin Orman di 1-1, Michael Fingal 1-1 di cual tabata un Homerun y Ulises Maduro tambe di 1-1. Richard Lacle di 2-1.
Pitcher ganador: Rudy Angela y Eugene Helder a perde.
Box score: R H E
Marlboro Burger King 13 9 0
Blue Lotus Holding Indians 3 4 2
Ultimo wega tabata entre Ecotech Leftovers y Spuiters Quality ChiroPractic, unda cu Spuiters ta Sali vencedor cu score di 10-2 riba Ecotech.
Mihor bateadornan pa Spuiters tabata Ludwik Flanegin 2-2, Wilfrido Kock 3-2, y Eddie Flanegin di 5-3.
Pa Ecotech Leftovers Daniel v/d Linden di 1-1, Anthoy Thompson y Richard Krosendijk di 3-1 cada uno. E hit di Thompson tabata un tremendo Homerun den leftcenter.
Pitcher gandor a resulta Win Dabian y Gregory Paulina a perde.
E siman aki ta semana santa y lo no bai tin wega.
Campeonato ta continua dia 7 april 2018 naJoe La Veist Ballpark e cuna di Baseball. San Nicolaas Here we come!!
10.30 am
Ecotec Leftovers vs Unforgettables
1:00 pm
Salo Park Destroyers vs Blue Lotus Indians
3.30 pm The new Arrivals vs Brazil Lucor
Directiva ta hasi un cordial invitacion na e chikitin nan y tambe na e fiel fanaticonan di baseball di tur tempo . pa bin recorda e dushi tempo di baseball.
Bar y cushina lo ta bon surti! Entrada ta costa un Sonrisa y Respet pa wega.