Oranjestad – Aruba, for di Sra Rasmijn vocero suplente di Cuerpo Policial nos a ricibi e siguiente comunicado:
Control a tuma lugar door na Sero Thijsi, L.G Smith blvd altura di notaris kantoor y AP.A door departamento di trafico , k-9 unit y polis uniforma di San Nicolaas .
E control a cuminsa di 8 or di anochi te cu 4or di madruga di diadomingo.
Total a duna 89 procesverbal y a kita 20 auto .
A detene 4 persona indocumenta y pasanan pa warda nos costa.
A detene 1 chauffeur pa core auto bao influencia di alcohol.
A detene 1 persona pa no a sigui ordo di polis ora a bai pa pare pa controla.
E controlnan aki lo sigui den e siguiente dianan cu ta nos dilanti.
Tur automobilista mester tin nan documentonan na ordo . Esey ta rijbewijs valido, number di auto paga, keuringskaart valido y seguro di auto.
Awe diahuebs 22 di maart control a cuminsa desde 5or di mainta riba e greencoridor retonde pos chiquito bin abao. Te cu awo ta tin mas o menos 28 auto cu a wordo kita pa no tin e documentonan na ordo.
