Parlamentario Endy Croes a coba den tur documento pa no bisa shirishiri pa asina por compronde mihor e escala di engaño cu a tuma lugar 8 aña largo door di Mike Eman y AVP ayuda pa su stempel parlament. Den esaki a repasa e Memorie van Toelichting di aña 2015. Locual a resalta aki den ta riba pagina 1 unda Gobierno e tempo aya ta splica lo siguiente: “Heeft het Kabinet Mike Eman II zich tot en met 2017 verbonden om jaarlijks NIET MEER dan 1350 MILJOEN florin uit te geven”. Pa reenforsa esaki, riba pagina 3 di e mesun memorie van toelichting, Mike Eman y su gobierno a skirbi: “Het kostenplafond conform het Balanced Budget Akkoord (BBA) van November 2013 blijft gehandhaafd”.
Deficit di 9.3% na 2014
Pues desde November 2013 Mike y AVP tabata den guera cu Hulanda cu nan lo mantene nan mes na e acuerdo cu nan lo no surpasa e gastonan total di pais Aruba, esta lo no surpasa 1350 MIYON pa aña. Tur esaki nan a skirbi den e memorie van toelichting di 2015 momento cu Hulanda a pusha un KB den body di Mike Eman pa despues pusha e CAFT den stoma di pueblo di Aruba. Cu e forma di skirbi aki nan lo kier a suavisa nan problema cu Hulanda pa loke ta e parti financiero momento cu e problema a escala ora Mike a ricibi un KB na 2014. Riba pagina 3 Mike ta admiti cu e deficit a alcansa 9.3% cual ta mas cu 400 MIYON pa cu aña 2014.
Gañador y manipulador
Parlamentario Endy Croes sinembargo a splica cu e ta haciendo alabes “Fact Checks” riba AVP di tur locual nan ta papia y skirbi. A bolbe usa Rapport di Banco Central ”Annual Statistical Digest 2016” cu ta brinda informacionnan detaya desde 1986 te cu 2016. Ta bolbe proba cu Mike Eman y AVP ta un gran gañador y manipulador. Adhunto un tabel unda pueblo mes por lesa con NINGUN aña desde 2012 bay ariba gobierno di AVP no a tene su mes na su propio acuerdo, esta cu lo no surpasa 1350 MIYON di gastonan total pa aña. Na 2014 a gasta 1440 MIYON, na 2013, 1438 MIYON, na 2014 e aña di KB, 1490 MIYON, na 2015 1366 MIYON y na 2016 un total di 1372 MIYON. Pues ningun aña nan a cumpli y esaki hustamente a causa tambe e Mega Debe cu deficitnan grandi unda Aruba 8 aña largo mester a presta placa pa tapa e buraconan cu AVP a crea.
Total prestamo di 2.2 Biyon florin
Recapitulando prestamonan di 352 MIYON na 2011, otro di 443 MIYON na 2012, otro di 333 MIYON na 2013, na 2014 deficit di 406 MIYON, na 2015 otro185 MIYON y na 2016 un suma di 177 MIYON etc. Total prestamonan desde 2010 pa 2017 a suma 2 mil 213 MIYON florin esta 2.2 BIYON florin. AVP a comete un crimen cu e pueblo aki. Croes ta finalisa splicando cu dia nacional di Himno y Bandera e tabata sinta durante e acto protocolar unda masha hopi mucha hoben y edad chikito a desfila den gruponan di scout y gruponan deportivo. Den su mes constantemente tabata pasa den su cabez ta kico e muchanan aki por a haci Mike Eman y su pandiya di AVP pa causa tanto daño financiero hipotecando e chikitinnan aki pa mas di 20 aña? Kico por ta un splicacion corecto? Simplemente, NO TIN! Mike Eman y AVP lo bay den historia pa mentiroso y manipuladornan psicopatico di mas grandi cu e pais aki a conoce. Nos tin un reto grandi pa cumpli cu ne. Cu boluntad di Dios y pasenshi nos lo percura pa logra saca Aruba for di e abismo aki.