Home Sports Jewell Illidge, Myron Adams, She-Cutie Hernandez, Nassip Bislip, Sara Chirino, Záhyon Klabér,...

Jewell Illidge, Myron Adams, She-Cutie Hernandez, Nassip Bislip, Sara Chirino, Záhyon Klabér, Laura Croes y Niels Stock a sali best fighter na e Campeonato Nacional Himno y Bandera.

Aruba Taekwondo Bond “ARTBO” por mira atras ariba un evento grandi cu participacion di 8 scol di Taekwondo cu a duna e evento un bon nivel cu bringadonan conoci y cu pa varios aña caba ta haciendo un diferencia. E hobencita Jewel Illidge no ta desconoci den nos comunidad y ta lastra su contrincantenan y awo na 2018 a sali ariba bon pia caba. Záhyon Klabér ta un atleta cu tin su trayectoria di varios aña caba representando Aruba na eventonan grandi y a demonstra esaki contra su contrincante. Locual ta Sara Chirino, Laura Croes y Niels Stock ta e caranan nobo y cu a bin bek for di nan siesta. 
 
E hobencita She-Cutie Hernandez a haci su debut na December pa prome biaha y awe nos por wak un hobencita cu apesar cu e tin poco tempo ta train, ya caba ta sali best fighter pa di dos biaha. Un premio sigur merecido pa su capacidad. Nos lo wak y tende mas di She-Cutie Hernandez si e sigui cu Taekwondo. 
 
Myron Adams ta un atleta cu ta bay bin, pero e ta haci un diferencia y ta ariba e siguiente nivel caba. Nassip Bislip ta lucha entre tur e bonnan cu tin den e categoria di Cadet, pero e biaha aki Nassip Bislip a bin ta gana tur 3 contrincante den 3 diferente poule. Un premio sigur na su luga. ARTBO ta masha contento cu tur e resultadonan di e best fighternan cu a wordo escogi pa e team di Arbitrage cu a haci un tremendo trabou y cu a guia e evento completo pa despues saca nan best fighternan.
 
Den e parti di forma Amylee Melo y Genovani Kelly a participa y ambos atleta a sali ganado den nan categoria y a logra gana e premio di Best Poomsae tambe.    
 
Directiva di ARTBO ta felicita tur e best figthernan di e Campeonato Himno y Bandera.