ORANJESTAD, Aruba – Riu Palace Aruba y Riu Palace Antillas a celebra 18 di Maart, dia di Himno y Bandera, cu empleadonan y turista. E dia aki e turistanan tabata entreteni cu un grupo folklorico cu a baila canticanan tradicional. Tur turista presente a disfruta di e baile y di a haya sa mas di e cultura di Aruba.
Grupo Danza Aruba a baila 3 cantica, cual tabata tumba, danza y wals. Turistanan presente a pasa un rato agradabel y tambe nan a purba di baila canticanan di Aruba. Grupo Danza Aruba no solamente a mustra turistanan e pasonan di e bailenan, pero tambe tabata bisti e paña tradicional di baile.
E empleadonan di ambos hotel tambe a disfruta di e baile di Grupo Danza Aruba, unda cu nan tambe a celebra Himno y Bandera. Grupo Danza Aruba a baila p’e empleadonan riba e ritmo di steelpan. Turistanan y empleadonan di Riu Palace Aruba y Riu Palace Antillas a pasa un rato agradabel celebrando Himno y Bandera.
Riu
E cadena internacional di RIU tabata funda na Mallorca, Spaña p’e famia Riu na 1953 como un hotel chikito y ainda e tercera generacion ta doño. E compania ta specialisa den holiday resorts y mas di 70% di su establecimento ta ofrece servicionan di Riu All Inclusive. Cu e inauguracion di e prome hotel na 2010, RIU ta expande su range di producto cu su mesun cadena di hotel den ciudad yama Riu Plaza. RIU Hotels & Resorts awo tin 92 hotel den 19 pais cu ta duna bon bini na 4 miyon bishitante pa aña y ta provee trabou pa 28,894 empleado. Actualmente RIU ta na di 34 luga den e cadena mundial, ta un di e mas popular den Caribe, e di 3 mas grandi na Spaña den termino di revenue y e di 4 hotel mas grandi den cantidad di camber.