Home » RIBA NOS DIA NACIONAL, NOS CICLISTANAN A COMPETI RIBA NOS CARETERANAN PRINCIPAL

RIBA NOS DIA NACIONAL, NOS CICLISTANAN A COMPETI RIBA NOS CARETERANAN PRINCIPAL

by Admin
0 comment 54 views

Deporte di ciclismo tambe a luci dia 18 di Maart cu participacion di mas cu 70 coredor.

Riba nos dia nacional, deporte di ciclismo di ruta a hanja un tremendo acogida y a luci riba careteranan di Aruba cu e careda Clasico Himno y Bandera 18 Maart. Un peloton grandi di ciclista di ruta, cu participacion di coredornan di Curacao y Bonaire a sali for di Colony San Nicolas, bou guia di unidadnan motorisa di Polis  pa recore 95 KM di nos isla.

Na momento cu e oficialnan di Aruba Wieler Bond (AWB) a duna inicio na e careda, e ciclistanan a ranca sali cu bon velocidad. Un grupo grandi di ciclista a forma e peloton cu a continua cu nan compentencia rumbo pa Arashi. E ciclistanan a wordo acompaña pa e “official LeadCar” di AWB enconhunto cu e unidad di motorcycle cu ta forma pa un grupo voluntario. E recorido di 95 KM a hiba e ciclistanan pa promer biaha, pa pasa riba e green corridor ten a altura di e rotonde di aeropuerto. Di aki a bolbe pa Balashi pa asina desvia pa e careteranan di Santa Cruz y Jaburibari. A continua via Alto Vista y Turibana pa asina jega Arashi y bolbe bek via e mesun ruta pa culima riba Sero Colorado. Hopi tabata esnan cu a para banda di caminda pa presencia e careda cu a duna honor na nos dia Nacional.

Mientras cu e adultonan ta competiendo, nos muchanan a keda den Colony pa asina nan tambe participa na un careda riba un ruta mas cortico diseña specialmente pa nan.

Na final di e mainta a otorga e premionan na e ganadornan.
E ganadornan den diferente categoria pa e competencia di e Clasico Himno y Bandera ta como lo siguiente:

CLASICO HIMNO Y BANDERA TOP 10

  1. Gyasi Sulvaran Curacao
  2. Victor Vrolijk
  3. Akeem Kock
  4. Jean Carlos Ras
  5. Reegel Winklaar
  6. Sean Toppenberg
  7. Imru Maduro
  8. Ruson Gonzalez
  9. Anthony Wilson
  10. Rodney Maduro

 

GANADOR DEN CATEGORIA ADULTO

 

Elite:                                                                Gyasi Sulvaran, Pedal Pushers Curacao

Junior:                                                             Akeem Kock, Velocity Cycling Team

Pre-Junior:                                                       Joshua Krozendijk, Velocity Cycling Team

Junior Women:                                                Silviene Gonzalez, Velocity Cycling Team

Elite Women:                                                  Elise Bossong, Tri Bike Team

Master A:                                                        Ignar Bareño, Hubada Cycling Team

Master B:                                                        Rodney Maduro, Team TechShack Aruba

Master C:                                                        Gert van Vliet, Tri Bike Team Aruba

 

MUCHA

Kids Cat. 1 Boys                                            Xavian Rasmijn, Velocity Cycling Team

Kids Cat. 3 Boys                                            Christiaan Jansen , Tri Bike Team Kids

Kids Cat. 3 Girls                                             Aleeza Semeleer, Power in Motion

Kids Cat. 4 Girls                                             Rebecca Jansen, Tri Bike Team Kids

Kids Cat. 4 Boys                                            Sean Walle, Velocity Cycling Team

Aruba Wieler Bond ta gradici tur ciclista, adulto y mucha, tur e teamnan, miembronan di AWB, mayornan, coachnan y e comisarionan di careda. Esnan cu a encarga cu road safety: Wim Sommen cu a maneha e AWB official leadcar patrosina pa Print Media, Tri Bike y Techshack hunto cu KPA, y e Motor Unit forma pa motorcycles, Imsam pa e ambulance y Frits como Paramedic. Un palabra di agradecimento na e negoshinan y e organisacion MotiVami cu a pone nan vehiculonan disponibel pa duna asistencia na e coredornan. E transportacion di bus pa e coredornan ta danki na AGW Tours. Un palabra di agradecimento pa e personal di DOW pa nan ayudo.

E siguiente evento di AWB ta tuma lugar diasabra awo dia 24 maart, cu ta e careda di mountain bike pa mucha, y diadomingo 25 maart pa aduto. Tambe AWB tin un bike tour pa henter famia. Pa mas informacion di e eventonan di AWB, por mira e pagina di FaceBook, Aruba Wieler Bond.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio