Parlamentario Endy Croes hopi contento di mira Aruba celebra su dia nacional di Himno y Bandera na un forma magistral.
Tanto Manifestacion Cultural diasabra anochi riba Plaza Betico Croes pero tambe e acto protocolario diadomingo mainta tabata carga cu hende. Por a nota un cambio y nos hendenan ta contento.
Prome Minister di Corsou, Presidente di Parlamento di Corsou y mandatarionan di Corsou y Bonaire a compaña Aruba pa e acto protocolario. Tabata tin desfile di masha hopi di e gruponan di scout y tambe gruponan deportivo. Koor di Maybeline Arends Croes cu un cantidad di muchanan hoben a canta hopi bunita compaña pa un orkesta en bibo bou encargo di Franklin Granadillo.
Na final di e desfile club di autonan masha bunita a resalta pa cera esaki. Despues henter dia na diferente lugar actividadnan a continua unda pueblo a sali y demostra nan amor pa nos himno y bandera, nos identidad y simbolonan di libertad. Aruba Pabien. Mi ta orguyoso di Bo.