106
Rooi Master: Como parti di e celebracion di Dia di Himno y Bandera di Aruba, famia Ras na Rooi Master a tene un exposicion cu a wordo masha hopi bishita mes riba e dia aki.
E exposicion aki ta algo cu e famia ta organisa dos biaha pa aña, den e ultimo 9 añanan. Despues cu el a bay den publicidad pa prome biaha 2 aña pasa, e famia a haya hopi reacion di hendenan cu ta ofrece e materialnan cu nan tin na un persona cu lo preservanan pa e futuro generacion por admiranan.
Tin un variedad grandi di materialnan antiguo, manera un television di marca Zenith, den manera un caha, cu ta traha ainda. E aparato cu sapaténan tabata uza antes, toca disco di diferente estilo, holoshi, mashin di cose, stove di kerosin, ekiponan di cushina, armanan di candela, etc., etc.
Un variedad grandi cu ta wordo reparti den 4 area den e cas na Rooi Master 5-E.
E fotonan ta ilustra algun di e materialnan cu tin den e exposicion.