147
Hato: Dialuna den oranan di marduga, un patruya di polis ta wordo manda na altura di e rotonde Hato pa un auto cu lo a dal contra e rotonde.
Na yegada e polisnant ta bin topa cu un auto para un poco mas pariba di e rotonde y ta bin compronde cu e auto Hyundai, tabata biniendo cu velocidad halto, no a brake na tempo y a bay dal contra e muraya di e rotonde, despues e chauffeur a purba sigui core pero a bay para un poco mas pariba di e rotonde.
E polisnan a nota cu e dama chauffeur tabata mustra basta bou influencia, mesora ela wordo deteni y transporta cu transportwagen di polis pa Warda di Polis, pa haci test di alcohol.
