Sasaki – Diadomingo algo prome cu 4’or y mey di marduga ta sosode un accident hopi serio riba e caminda di Sasaki, un poco pazuid di e rotonde nobo di hospitaal. Mesora ta manda polis y ambulance cu hopi urgencia na e sitio.
Na yegada nan ta bin compronde cu e biker procedente di Korsou a bin Aruba pa celebra dia di Himno y Bandera. E biker tabata biniendo di pazuid y na dado momento e tire patras di e brommer lo a rementa y esaki a pone cu e biker a perde control, sigui ay ranca un borchi trafico sak’e cu beton for di tera y a bay pega memey di algun hero di un borchi di propaganda. Algun amigo biker tabata biniendo su tras y nan a mira pida pida tire y parti di e brommer benta riba caminda y mes ora tawata sa cu algo a bay hopi robes. Ora nan a bay cerca nan a wak e situacion serio cu nan amigo tawata aden y a bati alarma.
Polis mesora a cera e caminda pa trafico y despues cu a logra saca e victima for di memey di e heronan, personal di ambulance a stabilise y cu hopi urgencia a transporte pa hospital. Mirando cu ta un accident serio a cera e caminda cu lint y a pidi pa specialista di trafico bin haci mas investigacion.
Arubanative.com ta desea e motociclista tur cos bon.