Sasaki: Diasabra pa mas o menos 4’or di marduga, varios unidad di polis ta wordo manda cu urgencia na altura di Emotions Nightclub pa un pelea cu a bay for di man.
Na yegada nan ta bin compronde cu dos brommer a dal den otro, un di Aruba y un di Boneiro, despues di esaki a start un pelea, entre algun bikers.
Na prome instante e pelea tabata mustra incontrolabel y e polisnan cu a yega prome na e sitio a manda pidi refuerso di coleganan di Santa Cruz y di San Nicolas, pero e polisnan na e sitio mesora a actua y a caba cu e pelea. E motociclista arubiano a keda deteni pa motibo cu ela cuminsa cu e problema, ela wordo transporta pa warda di polis.
E agentenan na e sitio mesora a duna ordo pa cera e club nocturno aki y nan a keda eybanda pa tira bista te ora cu e situacion calma completo.