Kudawecha: Diasabra den oranan di marduga polis ta haya informacion na unda un auto ta cu ta wordo busca pa autoridad ta scondi, mesora ta manda varios patruya na e sitio.
E Chauffeur di un Nissan Cube tabata wordo busca pa autoridad despues cu e chauffeur tabata terorisando su famia y bisiñanan den e bario di Hooiberg, despues ela bay na un fastfood restaurant na Santa Cruz y a maltrata un manager di e establecimento.
Despues di basta rato, e auto aki a wordo señala den e area di Kudawecha, e chauffeur a drenta cu su auto riba tereno priva di un cas y a keda sinta den e auto pero lus paga.
Varios unidad di polis a bay na e sitio y enberdad a topa cu e Nissan Cube cu tabata wordo buska y e chauffeur ainda den e auto, mesora polis a detene e chauffeur y a transport’e pa warda di polis.
