136
Driemasterstraat – Diasabra den oranan di marduga polis ta wordo informa cu na e crusada di Boliviastraat cu Driemasterstraat tin un Toyota Yaris cendi y para mey mey caminda, e chauffeur di e auto tabata un hoben cu tabata mustra basta cansa y a pega soño tras di stuur, for di e auto radio tabata cendi y musica tabata zona duro for di e auto.
A resulta cu e hoben chauffeur aki lo a bay trip y a bebe dimas, posiblemente bayendo cas ela pega soño, na un mal caminda.
Algun bon samaritano cu a pasa eybanda, a dicidi di yuda e chauffeur kita su auto for di riba caminda, nan a kita e yabi for di e contact, y a bise keda drumi den e auto te ora polis yega na e sitio, mirando cu e no tabata den condicion pa stuur auto.
Despues di un rato Polis a yega na e sitio y nan lo a yama un persona bin buska e hoben aki hibe su cas.
