109
San Nicolas: Diasabra pa mas o menos 1’or di merida, centraal di polis ta haya un informacion, cu un rato pasa un atraco a tuma lugar na un beauty salon den Caya Charlie Brouns, na San Nicolas .
Mesora ta manda un Patruya na e Beautyshop, e victima di atraco ta duna polis descripcion di e atracador, kende ta un homber halto bisti den t-shirt blanco y den boxer, e atracador tabata tin un cuchiu den su poder . Despues cu e atracador a logra haya e benta di dia, ela bandona e beautyshop na pia.
E polisnan na e sitio a tuma tur datos y a pidi pa presencia di atraco team, BFTO (dept. tecnico di polis) y tambe a pidi pa slachtofferhulp bin atende cu e victimanan di atraco.
Algun minuut despues di e sucedido, ta drenta un yamada na Centraal di polis cu na un cas den Sint Maartenstraat den e cura di cas tin un persona sospechoso y e descripcion duna di e sospechoso ta cuadra cu e descripcion di e atracador.
Polis mesora ta bay na e adres y ta detene e sospechoso, kende ta un conoci di polis, cu por wordo considera un persona peligroso. Tambe e sospechoso aki tabata cera na warda di polis y den oranan di mainta ela sali liber.