Sospechoso S. poni den libertad

Oranjestad – Aruba, Diabierna merdia Ministerio Publico e emiti e siguiente informacion, cu na prome instante a wordo papia cu e dama aki lo tin di haci cu e asesinato di Sarahi Sierra.

E sospechoso S.D.S. kende a wordo deteni riba 2 di maart ultimo relaciona cu un investigacion na su involvimento den un ladronicia, a wordo poni den libertad awe diabierna 16 di maart 2018. Su detencion no ta necesario mas pa e investigacion.

Detencion di e sospechoso aki no tabata relaciona cu e caso di morto di su ruman muher Sarahi Sierra, manera sugeri den algun medio di comunicacion.