Cumana – Diabierna den oranan di marduga un biaha mas polisnan ta bay un adres conoci pa nan na Cumana. Akinan e yiu homber cu lo ta sufri di problema mental tabata haci problema na e cas.
Tabata algo pasa di 12’or y mey cu miembro di famia a pidi asistencia di polis na e cas aki conoci, e biaha aki e yiu lo tabata raza y lo a dal su mama.
Mesora dos patruya a yega na e cas y despues di un rato nan a sali cu e yiu homber deteni.
E homber aki cu ta un persona cu ta sufri di problema mental, constantemente e ta keda deteni, tin biaha e ta wordo hiba Paaz, pero hopi liher e ta bek na e cas haciendo problema cu su famia, cu ta hendenan grandi caba. Ban spera cu pronto bin un solucion pa cu e homber aki, prome cu ta laat y cu e problemanan aki bay completamente for di man.
