Como un custumber di varios aña caba, Lider di MEP y nos actual Prome Minister sra. Evelyn Wever-Croes ta celebra dia di Himno y Bandera cu nos grandinan di Jaburibari Thuiszorg.
E celebracion a bay den gran forma. Ya desde trempan tur e habitantenan y empleadonan tabata bisti cu nan tshirt special pa e dia aki, regalo di lider di MEP.
Tur esnan presente a gosa cu caha di orgel y catering special pa e dia aki. Nan a balia, canta y a gosa hopi den un dushi ambiente.
Nos Prome Minister a celebra y aporta na e dia aki hunto cu nos dushi grandinan.
Bunita pa mira hende dedica tempo na nos grandinan pa asina alegra nan curason y nan dia.
Un danki special na sra Rufina Tromp directora y sra lucia Loefstop y tur personeel cu semper ta percura pa nos grandinan celebra nos fiestanan y dianan nacional na un gran forma.