Ta lamenta cu awe atrobe ora cu ta trata San Nicolas AVP ta pone tur obstaculo dilanti.

Ta lamenta expresionnan haci di parti AVP relaciona cu e Fast Ferry. Mester realisa na dado momento cu politica mester ta diferente y constructivo y cu mester percura pa informa comunidad corectamente. Tempo cu mi tabata Minister di Turismo mi no tabata contra e proyecto di Fast Ferry, sino contra con kier a financia e proyecto di Fast Ferry. Esnan cu kier a financia e proyecto e tempo ey tabata kier pa Gobierno di Aruba paga pa e ‘business plan’ y ‘feasibility plan’ wordo traha pa un desaroyador priva riba un proyecto priva. Esaki ta algo cu mi tabata contra di dje y como Paisnan eora a bisa cu si ta bay traha un ‘business plan’ y un ‘feasibility plan’, e mester ta pa e Paisnan por uza e informacion ey den forma di un destaho publico. Pa tur hende por haya oportunidad pa participa pa desaroya e proyecto. Y no manera cu kier a hacie na inicio na beneficio di un grupo priva.