Dialuna anochi Minister di Turismo, Salubridad Publico y Deporte Sr. Dangui Oduber a ricibi nos atleta nacional Sr. Gregory Milliard hunto cu su familiares, miembro nan di prensa y su fanaticada na Airport.
Diabierna ultimo Gregory Milliard a sa di demostra y saka cara di Aruba un biaha mas cu su victoria na ACB 82 den e deporte di MMA cu a tuma lugar na Sao Paolo, Brazil. Gregory su contrincante tabata e brasilero Hoffman, Gregory a sa di domina e pelea desde un inicio y a termina esaki cu un knockout den e prome round. E victoria aki ta locual cu Gregory tabata tin mester pa por haya un contract profesional. ACB ta e tercer organisacion di mas grandi den e deporte di MMA na mundo. Gregory ta otro atleta Arubiano cu ta destacando den exterior y sigur un ehempel pa nos hobennan na Aruba.
Minister Dangui Oduber ta sumamente orguyoso cu loke Gregory Milliard ta bin ta haciendo y ta desea Gregory tur clase di exito den su carera profesional.
Gregory sigur ta un ehempel pa nos muchanan y a demostra cu disciplina, trabou duro y perseverancia bop or loghra hopi den deporte.