Oranjestad: durante weekend pasa Cuerpo Policial di Aruba a tene control di trafico na varios caminda riba nos isla. A controla un total di 326 auto, a duna 147 boet y a haci 5 detencion.
E cargonan tabata entre otro, core auto sin seguro, sin keuringskaart, no a paga belasting , core sin rijbewijs, no tabata tin seatbelt bisti, core cu lus di auto defect y coremente bou influencia.
Detencionnan cu a cay tabata dos chaufeur tabata coriendo auto bou influencia, un person su documentonan no tabata na ordo, aparentemente lo ta trata di un persona permaneciendo ilegal na Aruba y tambe a detene un pesona cu tabata wordo buska pa husticia in un caso di menasa, maltrato cu arma y Vuurwapenverordening.
E prome team di control a tene control na altura di Citgo Boulevard, for di 7’or y mey te 8 or y 45 anochi y entre 9’or y20 pa 11 or y 45 na altura di Wema Ponton.
Na altura di Citgo Boulevard nan a para 65 auto y a boet 21 chaufeur, na altura di Wema Ponton a controla 134 auto y a parti 52 boet.
E di dos team a tene un control entre 8’or y mey cu 10’or y mey na altura di Ex OK Supermarket na Tanki Leendert, despues entre 10’or y mey cu 11’or di anochi nan a tene un control dilanti Morning Supermarket na Paradera y entre di 12’or y 15 pa 1’or y 45 di marduga e team aki a controla riba L.G.Smith Boulevard dilanti e oficina di DIA.
Dilanti ex Oke Supermarket nan a controla 75 auto y a parti 46 boet, na altura di Morning Supermarket nan a para 7 auto y a parti 2 boet. Na altura di e oficina di DIA nan a para 45 auto y a duna 26 boet.
E di dos tema a controla 127 auto y 74 chaufeur a haya boet.