Home » Dama despues di a wordo benta pafo di auto, a ricibi skop y mokete di ex pareha y tabata keha di dolor, a pordona e homber

Dama despues di a wordo benta pafo di auto, a ricibi skop y mokete di ex pareha y tabata keha di dolor, a pordona e homber

by Admin
0 comment 52 views

George Madurostraat – Diadomingo anochi algo prome cu 9’or y mey, polis ta bay un poco pabou di Biblioteca Nacional, caminda un homber ta maltratando un dama.

Na yegada e polisnan a topa cu e dama y e homber tabata sinta den un Hyundai Tucson para un poco mas pariba. Un agente policial a bay papia cu e dama kende tabata kehando di dolor y e otro agente policial a bay atende cu e homber.  Despues cu nan a caba di papia cu e dama, e dama a dicidi cu e no ta desea di entrega keho.
E agentenan a papia cu e homber tambe y e na su turno lo a splica polis un ke otro y a bisanan cu nan a separa, esta nan tawata sea casa of tabata biba cu otro.

Na e sitio tabata tin un testigo, ela mira kiko a pasa, e testigo a conta, cu e chauffeur di Hyundai Tucson lo a saca of a pusha e muhe for di e auto. Despues cu e muher tawata benta abou, e homber a skop e y a dal’e varios biaha cu mokete. Ora cu e homber a caba di maltrata e muher, ela subi den su auto y a bay for di e sitio, pero despues di un rato ela bin bek.

Na final e muher aparentemente a “pordona”  e homber, ela subi bek cune den auto y nan a bandona e sitio felis y contento. Segun e homber ta “love” nan ta bay haci awo un caminda y te hasta ela a mustra e agentenan algo parecido na un corchon cu nan tawata tin patras den e auto.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio