Turista bou influencia a keda deteni despues di a gaña autoridad cu e ta victima di un atraco

Palm Beach: Diadomingo pa mas o menos 8’or di mainta presencia di patruya di Strand ta wordo pidi na The Mill Resort pa un turista masculino mericano cu tabata bisa cu lo a bira victima di un robo of atraco.

Na yegada e polisnan di strand a nota cu e homber mericano aki no ta bon, e tabata duna cada biaha un diferente declaracion, despues el a bin ta admiti cu polis cu e ta bou di influencia, di alcohol y droga.

E turista a cuminsa bira hopi fastioso y no a keda e polisnan na e sitio nada otro cu detene. Transportwagen di polis a transporte pa Strandpolitie.