Home » Parlamentario Endy Croes: Marlon Sneek ta papia manera baca ta basha

Parlamentario Endy Croes: Marlon Sneek ta papia manera baca ta basha

by Admin
0 comment 48 views

Por tuma nota cu Marlon Sneek awor kier ple “de braafste jongen in de klas”. Durante 8 aña den gobierno hustamente su persona a forma parti di e “stempel parlament” kendenan a bay den historia di nos pais como e soldachinan cu a desgracia e pais aki. A crea un desaster financiero cual lo tuma tempo, inteligencia, creatividad, curashi y comprension di pueblo pa saca nos pais afor. Miyones y Miyones a bay den man di un grupo hopi selecta y investigacionnan lo trece claridad na su debido tempo. Marlon y su gang a percura pa aumenta e debe nacional di e pais aki di 43% na 2009 pa 87% den 2017. Pues claramente Marlon, Mike y nan gang a “REDOBLA” e debe nacional di e pais aki. Mike Eman tabata presenta cualkier concepto di ley con cu ta y henter e stempel parlament 8 aña largo a grita “VOOR” sin importa destino di e pais aki. Pues un Parlamento cual den e ultimo 8 añanan nunca a funciona. Ehempel veridico ta momento cu un Minister di AVP, esta Sr. Paul Croes tabata encarcela desde Augustus 2017 y tabata cobrando salario di Minister siendo den prison. Parlamento di oposicion e tempo ey a yama un reunion pa trata e situacion di Paul Croes y e ley di Integridad di screening di minister. Kico AVP a haci? Lugar di duna bon ehempel na pueblo y condena e hecho aki, AVP a bin cu un amienda pa trece un cambio unda cu un minister como ‘verdachte’ y den prison por keda cobra te momento cu e wordo sentencia. Anteriormente un ‘verdachte’ mester entrega su retiro y dado caso e sali limpi di tur cos e por regresa. Kico 12 marionetanan di AVP a haci? Tur a grita “VOOR” y aproba asina e cambio cu nan mes a propone pa salba y acomoda salario di nan colega Paul Croes den prison. Asina AVP ta funciona unda tur cos cu den mundo ta imposibel, aki na Aruba cu AVP den gobierno ta posibel. No ta pornada amigonan di AVP tabata entre otro nan hendenan cu awe ta den problema cu husticia of ta den prison. Kiko Gomez, Roberto Rincon, Hugo Carvajal pa nombra algun. Marlon “colebra” den su conferencia di prensa kier bende tambe un 6 pa un 9. Marlon kende porcierto tin un record como ladron di jeans y whiskey comproba den file di polis, ta splica cu el a lesa e programa di MEP “Nos vision ta e Solucion” y riba pagina 36 e por a tuma nota di e solucionnan di MEP riba e tema di finansas. Mester splica Marlon “colebra” cu e mester ta mas sincero y stop di ta terco. Een toontje lager y custumbra den Bo banki nobo. Pueblo a vota pa dos cos. Promer lugar pueblo a castiga AVP mandando nan atras cu 10 mil voto pa garantisa cu nan lo no regresa. Na di dos lugar, pueblo a vota pa un Coalicion. Pues si e kier compara, no bin cu weganan politico awor. Actualmente tin un Coalicion y e unico documento valido ta e documento firma pa tres partido esta e “Acuerdo di Gobernacion 2017-2021” di Coalicion. Marlon Snake kisas mester pensa pa modernisa su politica anticua y cuminsa traha di berdad.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio