Home » Camacuri Harley Davidson Club cu su di 21 ride celebra dia di Himno y Bandera

Camacuri Harley Davidson Club cu su di 21 ride celebra dia di Himno y Bandera

by Admin
0 comment 58 views

Oranjestad: Camacuri Harley Davidson Club ta organisando su di 21 ride pa celebra nos dia nacional di  Himno y Bandera. E aña aki un biaha mas e Club aki ta ricibiendo bishita for di Bonaire, Curacao y di Surinam. Mas cu claro un gran cantidad di nos coredornan local tambe lo ta participanda.

E expectativanan ta grandi y ta sperando cu entre 450 pa 500 coredor lo registra, pa participa na e gran celebracion aki.

E aña aki e ride ta dedica na FUNDACION NOS MUCHANAN, E miembronan di e club ta coredornan di brommer, pero prome cu tur cos nos ta tata, mama, omo, tanta, wela y welo di un mucha y pa e motibo aki e coredornan kier aporta na e concientisacion cu nos muchanan tambe tin derecho, riba AMOR, EDUCACION, FAMIA, PA HUNGA Y CRECE DEN UN AMBIENTE SALUDABLE.

E evento lo tuma lugar riba dia 15 maart, na Balashi Garden y lo cuminsa for di 7’or pa 11or di anochi y durante e evento aki ta acepta registracion pa e ride, e prijs pa participa na e ride ta 65 florin, cual ta inclui tas, tshirt, pin, breakfast, lunch y refreshment pa riba dia 18 maart. E ride di 18 maart cu cuminsa 11’or di mainta y lo sali for di Balashi Garden y lo pasa rond di Aruba.
Tambe dia 16 y 17 di Maart lo ta bay tin corida den oranan di anochi cu naturalmente differente stops.
Camacuri Harley Davidson Club ta pidi henter e comunidad di Aruba pa tin poco comprension na momento cu e ride ta pasando y mas ainda pasobra tin ta bay tin hopi participante cu ta di bishita y no conoce nos isla bon.
Camacuri Harley Davidson Club kier a invita e pueblo di Aruba completo pa participa na e evento aki y por ultimo ta gradici tur miembro di prensa cu tabata presente na e conferencia di prensa y cu ta duna cobertura total na e evento aki.
Sponsornan di e ride aki ta: COCA COLA,THE BIKE CLINIC,GP CARGO. ARUBA AIRPORT AUTORITHY N,V., CARNICERIA CENTRAL CARIBBEAN OVERSEAS, SANDRAS GARDEN.
Pa cualkier pregunta por yama libremente, BUCHI CROES na 7447089, CEDRICK BONTEKOE na 5928829 y ESI MARIN na 5930657.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio